Ermutigende Impulse in Corona Zeiten

Unser Youtube Kanal

Beobachtungen zu Corona Informationen

Gedanken und Gebet für Wiederherstellung

WIEDERHÄRSTELLIG

 

(Da.So) Dä Text hani uf fb gläse und ergänzt mit mine Gedanke:

 

"Es chönnt si, dass z Italie i de Häfe dSchiff für die nächschti Zyt brach liege, es chönnt aber ou si, dass sich dDelfine u anderi Meeresläbewäse ändlech ihre natürlech Läbesruum dörfe zrügg erobere. Delfine si i de Häfe vo Italie gsichtet worde u dFische schwüme wieder i de Kanäu vo Venedig.

 

Es chönnt si, dass sich dMönsche i ihrne Hüser u Wohnige ygsperrt füehle, ... es cha aber ou si, dass sie wieder mitenang singe, sich gägesitig häufe u sit langem wieder es Gmeinschaftsgfüeu gspüre u erläbe. Mönsche singe zäme, sie apploudiere zäme - irgendwie berüehrt mi das tief!

 

Es chönnt si, dass die Yschränkige vom Flugvercher für vieli e Freiheitsberoubig bedütet u brueflechi Yschränkige mit sich bringt, ... es cha aber ou si, dass d Ärde ufatmet, dr Himmu klarer wird u a Farbechraft gwinnt u d Ching in China z'erscht mau i ihrem Läbe dr blau Himmu gseh. Lueg hüt säuber i Himmu ufe u lueg wie ruhig u blau är isch worde!

 

Es chönnt si, dass d Schliessig vo Chinderhort, Chindergärte u Schuele für vieli Eltere e imensi Useforderig bedütet, ... es cha aber ou si, dass viu Ching sit langem dChance überchöme säuber kreativ zwärde, ihri Inträsse chöi vertöife u ou dEutere ihri Ching uf ere nöiä Äbeni dörfe kennelehre.

 

Es cha si, dass üsi Wirtschaft e unghüüre Schade erliidet, ... es cha aber u si, dass mir erkenne, was würklech wichtig isch i üsem Läbe u dass ständigs Wachstum e absudri Idee vo dr Konsumgseuschaft isch."

I bätte, dass die Zyt für üs e Chance isch, dass:
- dNatur, dSchöpfig meh u meh wiederhärgstöut cha wärde,
- Beziehige, Fründschafte wiederhärgstöut chöi wärde
- Familie wiederhärgstöut chöi wärde
- Beziehige vo Öutere u Ching wiederhärgstöut chöi wärde
- sMitenang u dGmeinschaft wiederhärgstöut chöi wärde
- Heilig passiert u dGsundheit wiederhärgstöut cha wärde
- d’Beziehig zu Gott wiederhärgstöut cha wärde
- usw.

pray for RESTORATION